Mich am Ziischtig (?) Namitag uf Züri und in meega coole Kostümverleih-Lade schleppe womers schomal 2 Stund ultra luschtig gha hend bim Kostüm aaprobiere - vom Schneewittli bis zum 20er-Jahr-Usgangs-Look, vom 80er-Jahr-Disco-Outfit inkl. Plateau-Stifel und Afro-Perüggä bismr schlussendli bim Traum vo jedem chliine Mädchen aacho sind:
S' purpurne Samtchleid vode Marian - dä Geliebte vom Robin Hood. Mit wuuuunderschöne breite Flatter-Ärmel und Goldverzierige soweit das Auge reicht... und dezue natürli es süsses Hals-Chetteli und s'"Hüätli" mitem wiissä Band...haaach...
Und au jede chlii Bueb wür wahrschinli ultra gern mal äs richtigs Robin Hood Kostüm aaha... villicht sogar au de eint oder ander Maa ;-) Wer mag sich scho nöd ah de fuchsig Disney-Held und sini vo de Meitli bewunderete Verlobte erinnere... :
Geschter Mittag ischs denn sowiit gsi, und ich han mis wunderhüpsche (*g*) Kleid döfe aazhie und de Gian sin Pfiilboge schultere - und ab in Wald. Mangels gnüägend Sherwood-Forests ide Umgebig simmer eifach in nögschte Wald z'Velte - hed au super funktioniert ;-)
Ä Stund und 200 Kamera-Klicks spöter, s'Resultat wo scho d Herze vo sämtliche Verwandte iignoo hed... Voilà :
Was mis Schwöschterherzli etz demit mache will ischmer noni so klar... git wohl ä Überraschig... ;-)
Keine Kommentare:
Kommentar veröffentlichen