Yibbie: 40. Schwangerschaftswuche!

...Und schowidr ä Wuche ume! Und sind immer no schwanger so wis uusgseht ;-) und zwar
genau sit 39 Wuche + 0 Täg. Aso simmer etzt ide 40.Wuche... Tja, wer hätte das gedacht dasmers doch soooo nöch an ET (Entbindungs-Termin) "schaffed" ... aso ich sicher nöd ;-)

Sind hüt wider ide Kontrolle gsi bide Hebi (Hebamme). Alli Wert oke, CTG au wuunderbar.
Und "entwarnig" : Junior isch schön gwachse, Buuchumfang isch jetzt bi atemberaubende
112cm ! Pheew...

Aso weni nöd wüsst, das no keis Chind eifach nöd usecho isch, würi garantiert dänke das Junior so än Kandidat isch ;-) Es duet sich eifach gar rein nüt - und trotzdem chönnts jede Moment losgah.
Chum z'fasse.

Min Daddy isch scho ganz schadefroidig wiler scho glaubt, er hebi sini Wett etz gwunne...
Aber ä Wuche hemmer no Ziit zum ihm s Gegeteil bewiise!! =D


Mini Mam und ich bastled mittlerwiile mit biz Hilf au vo minre Schwe ade Geburtsaazeige.
Si werded eifach Traumhaft! Definitiv. Froi mich so =)

Gane etz go wiiterbaschtle... biz Ablänkig vom Wartewartewarte duet guet... ;-)

Wer weiss - villicht schriibi inere Wuche ja de "41.Schwangerschaftswuche"-Post - oooder de
"Welcome Junior"-Post ;-)




PS: Oise Babyticker seits au widr mal träffend: