Sodeli... 41. Schwangerschaftswuche!

Und scho widr ä Wuche ume, und s duet sich rein gar nix.
ab und zue en herte buuch, hi und da mal ä wehe... aber im gross und ganze : nix.
BauchKrümel laht sich ziiiiit ... ;-)

Hüt morge simmer widr bi dä Hebi gsi. Junior isch biz ruhiger worde - aber CTG und süsch au all wert sind immer no guet =)

D Welt isch unfassbar chli, scho fasch winzig: D Hebammeschüälerin isch doch tatsächlich ä alti Nachbarin! Sie hed mir mis erschte Büächli gschenkt won ich glese han und immer mit mir gspillt wo ich so 6i, 7ni gsi bin ^^ und jetzt betreut sie eus bide Geburt und im Wuchebett... Sache gits.


Am Mentig, 26.10.09, mümmer in Spital uf Winti für ä "Überträgigs-Kontrolle"...
*brrr* das Wort isch doch uh schlimm... schudderet mi gad ;-)
Hoff mi sind am Mentig scho z'dritte =) Bi dere Kontrolle jedefalls wird gluegt ob Insiderli no gnueg Fruchtwasser hed und no schön mit Ässä und Suurstoff versorgt wird. Hoffe das alles Okay isch...

Das Weekend wird no zügled, vorussichtlich chömmer morn s'erschte mal i oisem noie Dihei schlafe =) Villicht - oder sehr wahrschindlich - wartet Krümelchen bis sis Zimmerli schön iigrichtet isch und mir 200% ready für sini Aakunft sind.
Döfer natürli au gern =) Au wenn ich langsam nümm so Geduld han und ihn scho gern mal äntlich wür kennelerne... ;-)

Mir sind eus jetzt au ändlich mitem Name sicher. Aber nei, mir verrateten noni ;-)
Es isch so unglaublich süss...

Sodeli, gahne etz no chli go Geburtsaazeige baschtle und packe und hoff, dass de nögschti Bricht de Geburtsbricht wird... ;-)